就是學習「我和我的唐山」這一課書，課本上還有幾張災前災後的相片，

上課時總是有想哭的衝動，而且還記得當年的閱讀報告就是「唐山大地震」這本書！

從未試過閱讀報告會認認真真地看畢一本書，而那次居然靜靜地、認真地去看！

那時，總覺得這樣的事不會再發生的！但不幸地，今時今日，真的發生了！

5月12日，當我拼了命帶著一班公公婆婆由東涌行山到大澳之際，5個小時的路程，

感覺好苦，看到他們每個都行到滿頭大汗，滿面通紅，真的替他們辛苦了！

但就在這個時刻，中國的四川發生了這場7.8級的大地震！只是短短的幾分鐘...

就輕易地奪去了那麼多的生命！相比起來，我們辛苦的5小時，算得上什麼！

這幾天，每當看到新聞報告都忍著不看，因為每次的傷亡人數都會上升！

最重要的72小時已經過去，真希望救到的盡量救，在瓦礫中的盡最後一口氣撐到底！

在香港的我們，雖然未能即時做到什麼去幫忙，不過能伸出援手的就盡力吧！

放低所有不必要的顧慮，好好地為他們祈求吧！

祈求不要再有餘震了！不要再下雨了！不要再有任何意外了！

不過已經預左~因為聽左咁多朋友仔既意見~都知道poly係好難入!

而家，只有睇下5月既city....做足準備功夫！奸爸嗲！

有呢個決定咁耐以黎，只有兩個人叫我放棄！

佢地不約而同咁講，四年時間會唔會長左d，回之後回報又會唔會少左d？

哈！又不約而同地，兩個都係社工！

不過決定左既野唔試過，我相信將來我一定會後悔~so~keep going！

手指頭又再開始俾我勞役喇！哈哈！再開始展開練琴既生活！

每一次拎起個琴都有唔同既感覺！

每一次彈唔到某d音就好想征服！

每一次都好享受練琴既時間！

每一次手指頭都痛到唔想彈先會停！

希望可以操返好d基本功！我愛我的興趣！

我同一個朋友講，我係一個遇強愈弱，遇弱愈強既人！

跟住佢話，咁咪適合去做社福界囉！

我問點解咁講呢！

佢話，服務對象大部份都係有需要既人！

當你遇到呢班人既時間就會愈強，愈會去為他們服務！

我話，咁講都得？真係攪笑！

挑戰結果=未知數！

唔知幾時先會知道結果呢！

唔經唔覺咁就過左8個月！時間真係過得特別快！

不過仲未係時間講拜拜！

因為，我仲未想同班老友記講拜拜！

但係估唔到會咁快...其實已經預左會醉...但係估唔到飲左咁少就醉左...

多謝晒一班老友同我慶祝生日！仲唔介意我又喊又笑痴晒線！

我都唔知道點解會係到喪喊，我只係知道我好想喊！

多謝晒你地既蛋糕，多謝晒你地既禮物！

辛苦晒小牛同家姐抬我返屋企~哈哈！

好耐未試過咁矇！好耐未試過要人抬返屋企！

多謝晒所有send過sms俾我既朋友們！！

愛死你地呀！！！！

好多野都係3月先黎攪，一下子亂成咁！地震之餘仲加埋海潚！

大家見唔見到我前面有一大堆野？見唔到？點解只有我先見到！

一大堆...一大堆...無所適從...無從入手...無可奈何...無能為力....

但係...果d收收埋埋既金句又再出現！「忍無可忍，仍需再忍！」

再一次變身成為忍者龜....

上星期一至五放左工都有野做...

今個星期一至五依然放左工有野做...

兩個星期冇試過係屋企好好地咁食餐飯！

亞媽晚晚打黎問︰今晚返唔返黎食飯呀？

我晚晚都有唔同既答案︰今晚返學呀！今晚返東華呀！今晚要當更呀！

金句二︰得閒死唔得閒病！

唯一既休息時間....就係訓覺果幾個鐘頭...但係不幸地...

呢兩個幾星期成日都發夢...(雖然我知道人每晚都會發夢..只係你唔記得呢個理論)

攪到成日訓訓下就醒左...次次都係咁...明明累爆...都會醒...就黎痴線！

消化不良繼續消化不良！！！而且每日都有不同既笑話提供！

「何太？」「社會服務令？」

我最鍾意呢句︰「已經盡量諗得完善，希望大家理解！」

真係辛苦晒！大家理解...你又何嘗有理解我地呢！

你真係估佢唔到....完全唔會知道佢個腦構造是否異於常人！

咁都俾佢諗到...真係.......

一個字形容︰勁！

兩個字形容︰型爆！

六個字形容︰超低能勁攪笑！

能夠認識到呢種人，真係三生有幸！

琴日收到一個消息！聽到第一個反應係︰O咀！

第二個反應係︰下！！！！

第三個反應係︰咁都得？！

最後係︰呢個笑話真係好笑！

老友叫我唔係成日都咁忙！但係！我都唔想！

唔知點解我真係咁忙！希望星期六可以放低所有野！盡情咁癲返晚！

終於報左POLY HD！不過唔知有冇機會IN呢！

喪隊左兩包勁量級薯片！之後幾日，就生左幾粒勁量級暗瘡！

果然係︰你付出幾多，就會得到幾多回報！

未來RO鴻兄前排同我講︰

「亞珍，我有個方法可以唔洗生暗瘡！就係狂食熱氣野就OK！」

呢個死仔包..真係俾佢激死我！好在我命大！

多謝晒亞SIR曾經為我擔心！哈哈！你識既亞珍咁易DOWN既咩？

仲有！細佬業！你出賣我呀！\"/！

年初四，到肥pat家拜年，哈哈！兩個小朋友實在太可愛！不錯不錯！十分喜愛他的廚房，正！一行人拜完年，到novem家搗亂！哈！擁有這班同學仔實在太幸福了！

今個新年四天假期，都在洪記渡過，以前有節目只有玩玩玩，今年沒有節目，就在工作中渡過新年假期，雖然很累，但總好過躲在家中沒事幹！

情人節要上課，往年情人節總有節目，但今年只有自己一個，心情雖然有點down，但仍然可以撐得住！姐姐說，出年情人節我們會否和情人一起渡過呢？我說出年才算吧！

天氣持續寒冬，每年冬天總有個「人肉暖爐」，但今年冬天，沒有了「人肉暖爐」，換來了一個「紅豆袋」，我是一個「冷血動物」，由晚上睡覺開始到天光起床，手腳仍然是冰冷無比，但只要將手腳伸到那「人肉暖爐」，雖然總會聽到一些怨言，但總算有一點點溫暖，現在，沒有「人肉暖爐」，我只好將手腳伸到那「紅豆袋」，「紅豆袋」不但沒有任何怨言，而且我想暖那裡就放到那裡，任由我主宰，毫無怨言！但是，我相信，一個女人，想要的不是一個「紅豆袋」，而是想要一個毫無怨言心甘情願的「人肉暖爐」。

終於都病了，病到做任何野都毫無心機，只好去看醫生，食藥食到手軟腳軟，整個人都輕飄飄，可憐！一個人病的時候心情都很低落，極度渴望有人來愛護！但，一個人！所以要更加表現得堅強！睡醒後又是一個好漢！

彪彪結婚了！下個月會到東莞飲他的喜酒！哈哈！真是開心！不知道下一個會是誰呢？

認識了一班好同學！多謝你地！實在帶俾我好多難忘既回憶！上山下海！身水身汗！上堂搗亂！考試出貓！所有所有！永遠唔會忘記我地既301！唔會忘記人來人往！唔會忘記笑忘書！所有野都唔會忘記！多謝你地！

認識了一個新的行業！實在太令我興奮！雖然短短半年時間，但係已經令我愛上左呢個行業！一班東華既兄弟姐妹！一班可愛但令人煩惱既託管小朋友！一班YA們的團結！一班社工的專業！真係太開心喇！多謝你地！

親手結束左一段7年8個月既感情！有難過，有不捨，有唔開心！7年多，一個很長的時間！我係唔會忘記當中既開心同唔開心！所有野都變成回憶！只希望你可以有一個新開始！彼此真心祝福大家！我，仍然十分多謝呢7年多，你帶俾我既所有回憶！多謝你！

重新投入我的音樂世界！雖然短短一個月，已經帶俾我好多好多經驗！亦令我更加唔會放棄我既興趣！雖然知道未能將音樂做事業！不過都唔會放棄！

感激我既家人！我實在擁有一個好可愛既屋企！同家姐既一期一會！Daddy既撩交打！Mammy既超級苦茶！小寶寶既煩惱！仲有新成員兩隻小烏龜！哈哈！人強馬壯！Happy Family！

感激一班老友陪我渡過呢一年！雖然間唔中都仍然有「最佳損友」既感覺，但，我知道大家都好愛錫我！認識你地，我已經好開心！朋友唔多，知己更難求！希望我地既感情可以更上一層樓！多謝我所有所有既朋友！仲有，肥佬！你幾時返黎我地既大家庭呀？

呢一年真係經歷得太多！高高低低，起起伏伏！係一個十分充實既一年！永遠唔會忘記返學、失業、搵工、失戀、一日走4場、4日MK人、一期一會既日子！仲有好多好多好多！但係，2007年已經完結！而家要展望我既美好將來！

每年都有新既目標俾自己，但係多數冇乜邊樣可以做到！今年都唔例外，目標照有，不過做唔做到又係另一回事！有目標總好過冇目標丫嘛！

希望可以同所有同學仔同老友可以keep in touch！

希望可以戒掉一些惡習！

希望可以考級成功！飛越8級！

希望屋企人身體健康！冇病冇痛！

希望可以對自己既工作更加有責任心！更加投入！

希望黎緊可以知道自己應該進修D咩！

希望可以努力還晒所有既債項！

希望2008年可以去一次旅行！

希望變靚D、FIT D！型D！ (哈哈！)

希望可以搵返個男朋友仔！(唔知羞！呵呵~)

有好多相想POST出黎！不過都係等下一次啦！

下次有好多相相睇~哈哈！！

面對全新的2008年！

所有朋友們，加油吧！

向著你的目標前進吧！

忘記過去！展望將來！

(閱讀全文)

好耐都未試過練琴練咁耐...但係仍然係失敗...

完全跟唔上...呢個挑戰實在太大....壓力亦很大...

但係...要係死期前完成到呢十多首歌...

對我黎講...真係一個天大既笑話....

但係....我又好想將呢個笑話變做事實...

所以，朋友們，呢兩個星期我將會閉關練功！

所有既活動都唔會出席，唔好意思呢！

16號係一個重要日子，又要考試，又要表演，

所以呢兩個星期係一個關鍵事刻！加把勁呀！

琴晚，發左個夢，係一個幾普通既夢！

夢見一對母女，媽媽係咁迫個囡囡溫習！

係咁迫佢做呢樣做果樣，而我係一個旁觀者，

係個夢入面完全感覺到囡囡係幾咁辛苦！

辛苦既程度係可以令我係個夢入面有想喊既衝動！

而且仲想鬧個媽媽點解要迫到個囡囡咁辛苦，

之後我見到媽媽個腦海出現一個境像，

就係見到個囡囡成功，著起畢業袍，戴住畢業帽，

果一刻俾我既感覺係個媽媽只係想個囡囡將來成功！

夢入面，個囡囡好似知道媽媽點解咁迫佢，

所以都係啞忍，希望可以達到媽媽對佢既期望！

之後我就醒左，而且仲好迷迷糊糊咁幫自己解左呢個夢！

發現原來媽媽同囡囡都係我自己！

我係咁迫自己去做呢樣做果樣，其實我係覺得好辛苦好大壓力！

而且辛苦到想喊，想反抗，想放棄！

但係最終，我都只係想自己成功！所以繼續落去！

當我為自己解左呢個夢既時候，感覺好似又認識自己多一層！

因為知道自己既感覺係好重要！而且知道自己既潛意識更加好！

一個人既顯意識可以俾周遭既環境事情人物所影響，

所以有好多時好多諗法都唔係忠於自己！

但係自己既潛意識係唔會講大話架！

會將你心底裡面最想既野話俾你知！

所以我成日都叫人去發夢，睇下你自己最心底既說話係咩野！

加油呀！我會忙完呢個月之後俾時間自己一個休養生息既機會！

因為呢三個幾月真係忙個不停！

而且亦曾經因為情緒問題而崩潰過！

果排真係好辛苦...成日都覺得好驚有人害自己，突然又會好想喊！

有時又會好高漲，有時又好唔想見人唔想講野，情緒係極之唔穩定，

我同自己講，如果情況繼續落去，我係要去睇醫生！

不過，經過自己輔導自己(haha)，又去埋一期一會之後，

情況已經好轉，所以忙埋呢兩個幾三個星期，

我一定要好好優待自己！好好咁休息休息！

將所有的煩惱、迷惘、痛苦、逃避的！

痛痛快快地！盡情地！！歇斯底里忘我地哭吧！

將所有的不安不快通通透過淚水發洩出來！

沒有人會知道我的難過！

沒有人會明白我內心所有的掙扎！

連自己都不知道不了解自己的話，

還算是我嗎？

到底....我在逃避什麼.....？

到底....是我沒有信心....？

還是....？

痛痛快快地哭一場吧！

任由淚水盡情地流乾！

思緒十分混亂！

內心有一鼓什麼的在翻騰著....？

什麼的....到底是什麼的............？

............................................！

想好好地發一場夢...

但連我的潛意識也不肯同我溝通....不肯給我任何提示....

請......找個人來幫我吧！

只想痛痛快快、盡情忘我地哭........

有罪嗎？

這樣有罪嗎？

難道真的有罪嗎？

但係今日.....俾一個九十多歲既老伯伯考起我喇！

令到我手忙腳亂，完全係一個重量級既挑戰！

我要教一個九十多歲既老伯伯吹牧童笛！

真係..........真係.........真係O晒咀囉！

但係見佢咁努力去學吹Do Re Me，

真係有一刻俾佢感動！但係感動還感動！

現實係好難！而且佢.........佢..........冇牙............架！！

我點教佢吐音呢！我唔係唔想教！

只係.....好難.......真係好難.......勁難......超難！！

其他又唔生性.....係到攪亂檔！真係....火都黎！

好在....我EQ高！深呼吸之後一下子將所有情緒扔晒落垃圾桶！

不過EQ高還EQ高.....未必每一次都可以控制得到！

有冇人打救我呀！！！

愈諗就愈唔忿氣！有咩理由丫！真係唔好俾個樣呃到！

愈靚愈正既樣原來就愈醜惡！初初真係俾佢個樣呃到！

但係相處耐左....先發現個真面目！

真係︰「人不可貌相！」

係真架！！！！超唔忿氣呀！條氣家下超唔順呀！

激死我喇！！！！

女夭！！！

天呀！！到底你想點呀？？

好地地你做咩轉天氣....

天呀！！到底你想點呀？？

好地地賣乜得野XX券呀！

攪到我人唔似人，鬼唔似得！

鼻敏感發作！！真係想死=.="""

汗 ~~~~~~~~~~~~~~~~~~~~~~~~~~~~！！！

我就係咁！睇唔順眼就唔好望！！

情緒上有好大既起伏，從來唔知道原來自己既情緒係咁難控制得到！

好多價值觀要改變，好多本來唔能夠接受既野要去接受，

好多你唔認同既野要認同，好多野要好客觀去分析，

好多好多....所以兩日一夜，好多時間個腦都不停咁轉，

同埋在場廿幾個members，好多都係好有資歷，

有做教師，現職既social worker，有讀nursing既護士姑娘，

好多都已經接觸過counselling呢個範圍既專業人士，

而我，只係一個小小既P.A，毫無呢方面既經驗，所以感覺幾heavy，

不過同一班level高過自己既人傾計，真係學到好多野！

完左成個camp，今日返出黎，個腦仍然不停咁轉，

諗到好多野，反思左好多野，感覺到好多從未有過既感覺！

同埋最後係role play，聽到一段話，將我呢兩日既問題解開左！

「只要你understand個clients / victims既想法，真係用心咁去感受，你就會識得講你需要講既說話！

就好似我地同朋友傾計，我地都唔會好刻意去諗下一句應該講咩...

當你用心去聆聽，你就會係適當既時候講適當既說話！

所以skill雖然重要，但係就算有model answer都冇用！」

同埋成個camp，俾我認清到一樣野，

當我好努力咁去控制我既情緒既時候，反而將自己既情緒表露無遺，

而且原來自己都幾受個client既情緒影響，

呢方面真係要學多d，學下點樣可以控制自己既情緒！

今日應承左屈小姐既邀請，加入一個樂團，雖然真係好擔心自己應付唔到，

但係，另一邊箱又同自己講，唔試過又點知唔得-.-v

既然自己都想試，咁就順自己既意願去做啦！

希望十隻手指頭聽聽話話，同我一齊努力啦！

近排，身體出現一種變化，我感覺到自己既細胞出現左一種物質！

唔知點解最近好想學跳舞，從未有過既跳舞細胞最近係我身體既每一處出現！

哈哈！攪笑！^^v！點解會咁得意既呢！好想學跳舞！身水身汗既感覺一定好正！

我既好家姐終於resign，希望佢可以搵到一份更好既工作！

最重要既係，新既工作要有成功感滿足感，

我覺得一份工作，只要有成功感同滿足感，你就會對呢間公司有歸屬感！

咁樣做野先做得開心，就算OT都會覺得值得！FEEL GOOD！

要做一個perfect既人真係好難！

但，I believe I can fly！只要有一個信念，就足以令我成功！

未入camp前真係俾自己既負面情緒困擾得好緊要，好辛苦！

而且呢幾晚都發惡夢就知道我既潛意識要我發洩！

但係，我比從前既我已經進步左一大步，

已經將負面情緒既影響降至最低，將不安既時間減至最少！

唔錯！進步了！keep going！

天氣情朗，心情開朗！行自己想行既路！

好正面既一篇日記！好耐未試過！哈哈！

PW個位仲未請到人，3個齊齊放飛機，型爆！

中心大地震！唔知幾時震到埋身呢！改革？睇怕我只會流血不止！

腦閉塞到爆！完全冇工作既意慾！連玩既意慾都冇埋！

只係想俾我瞓足七日七夜！唔好騷擾我！個腦已經諗唔到野喇！

「我想找個地方躲起來，沒有電話沒有災害，沒有那麼多的電視台

    我想找個地方躲起來，沖了馬桶看著水流，我躲在廁所不想出來

    離開我熟悉的城市，忘記我自己的名字，說沒有結局的故事，不想聽我就消失！

    離開我熟悉的桌子，拔掉我身上的電池，點掉我臉上的黑痣，在地平線上消失！」

今日同屈小姐又玩左陣MSN，又係講返同一個問題！

如果有答案就唔洗咁煩惱啦！我都好想以音樂為我終身事業，

奈何.....唉.....今日香蕉話我既理想太厲害......我.......冇野講......

走入廁所望住自己個衰樣....真係唔想走返出黎！真係好冇MOOD做野！

我好易滿足！只要份工俾到滿足感我就OK！

但係....每次都係咁....WHY？點解每次都係咁....

諗完一大輪之後變成還原基本步....係我諗得太簡單定係我諗得太複雜？

定係....跟本呢行唔O岩自己...？諗到呢到，我叫自己即刻停！唔好再諗！

結果走左去買物資，行開下會好D！之後返到去就係咁CUT紙準備小組用品！

好得人驚....魂不附體咁！到底...我個魂魄幾時返黎呀？

12號果晚去左OP既哈囉喂，結果大叫大笑就玩完！好開心！好攪笑！

第二日先發現大脾瘀左一大撻！真係....笑死.....！！

11號果日去左東華玩，第一次整係咁上下架喇！

相唔POST喇！唔想攪咁多野~等我有興趣先再POST相啦！

日日放工返到屋企都冇所事事，唯一做既係訓覺，

訓醒就起身食飯，之後就係睇電視...玩電腦....無無聊聊又一DAY！

唔想咁樣虛耗我既光陰...我唔可以再係咁浪費架喇！

所以今個月開始....我已經將我既時間排到密晒！

實行每日放工都有野做，星期日就好好休息！

英文、港專、東華、國樂、開會！遲D玩埋黏土！

同自己講︰唔好停！唔俾停！唔准停！我好忙，好鬼忙，好很忙！

日日都令到自己好忙好忙好忙，咁就充實之餘之唔洗諗其他野！

呢排返工，唔係做錯野，就係做漏野，再唔係就唔做野！

唉....我個牧童笛班愈黎愈慘....好希望結果唔係慘不忍睹就OK喇！

點樣先可以令班老友記愛上呢個班呢？

點樣先可以諗到其他班組，佢地係會鍾意既呢？

點樣先可以做到，佢地鍾意之餘，老細又鍾意，我又鍾意呢？

冇左謝生既中心，相信將會愈黎愈靜局！消化不良只會繼續消化不良！

今日有一刻既想法....早走早著！但係....我又唔會甘心！

希望可以搵到D野去衝擊一下我既思想！

等我可以有更多又好又適合又成功既諗頭俾班老友記啦！OMG！

今日收到個SMS，諗起幾句歌詞︰

「永遠有不妥協傷口，有些憾事不放手！

若你太刻意淡忘，越會補不到缺口！」

仲有既係....邊會話忘記就忘記丫~

我並唔係「忘記了」，只係「將所有野變做回憶」

有D野得閒諗返起，回憶總是美好的！

但係...唔好誤會任何野！THANKS A LOT！

記住︰The Best Is Yet To Come！

孩童只盼望歡樂　大人只知道寄望
為何都不大懂得努力體恤對方
大門外有蟋蟀　迴響卻如同幻覺
Shall we talk　Shall we talk
就當重新手拖手去上學堂

陪我講　陪我講出我們最後何以生疏
誰怕講　誰會可悲得過孤獨探戈
難得　可以同座　何以　要忌諱赤裸
如果心聲真有療效　誰怕暴露更多　你別怕我

螢幕發光　無論什麼都看
情人在分手邊緣只敢喝湯
若沉默似金　還談什麼戀愛
寧願在發聲機器面前笑著忙

成人只寄望收穫　情人只聽見承諾
為何都不大懂得努力珍惜對方
螳螂面對蟋蟀　迴響也如同幻覺
Shall we talk　Shall we talk
就算牙關開始打震　別說謊

陪我講　陪我講出我們最後何以生疏
誰怕講　誰會可悲得過孤獨探戈
難得　可以同座　何以　要忌諱赤裸
如果心聲真有療效　誰怕暴露更多

陪我講　陪我親身正視眼淚誰跌得多
無法講　除非彼此已失去了能力觸摸

鈴聲　可以寧靜　難過　卻避不過
如果沉默太沉重　別要輕輕帶過

明月光　為何未照地堂
孩兒在公司很忙　不需喝湯
Shall we talk　斜陽白趕一趟
沉默令我聽得見葉兒聲聲降

由十一歲開始你就跟住我，一直跟到我而家！

你知唔知你好令人討厭呀！

我做錯咩野你要咁對我！

你可唔可以唔好再跟住我呀！

好煩呀！好黑人憎呀！

我一見到你就好唔開心！

但係你就係要跟住我！

WHY！WHY！WHY！

你已經跟左我十幾年啦！

仲唔夠呀？

每次都係咁...一粒未平一粒又起......

每朝早起身見到你...就令我好唔開心！

夠喇！！！！

停喇！！！！

係時間要同你講分手喇！

唔好再跟住我好唔好呀！

暗瘡呀暗瘡！

分手啦！